Bat Gara
Ipar Euskal Herrian 2022tik 2024ra eraman den Bagira prozesuaren emaitzan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da ere, herri baten burujabetza maila maximoa, Estatu independente baten bitartez lortzen dela. Horrez gain, mugimendu abertzalea demokraziari atxikia dela goraipatzen da. Prozesu hau bukatu zen, gogoetak sakondu beharko zirela adieraziz.
{up readmore=Résumé en français | textless=Fermer le résumé | class=up-readmore resume-eus}TEX Dans le résultat du processus Bagira qui s'est déroulé en Pays Basque nord de 2022 à 2024, il est dit que l'objectif des abertzale est de rendre le pouvoir au peuple, et pour lui rendre le pouvoir, il est indiqué d'offrir au peuple des institutions qui lui donnent le maximum de souveraineté. On précise aussi que le degré maximal de souveraineté d'un peuple est atteint par un État indépendant. En outre, l'attachement du mouvement abertzale à la démocratie est souligné. Ce processus s'acheva en indiquant qu'il faudrait approfondir les réflexions. TE{/up readmore}
Horiek horrela, prozesu horretan parte hartu zuen Nafarroa Behereko abertzale talde batek bultzaturik, irailaren 8an, Donibane Garazin, Ipar zein Hego Euskal Herriko eskualde ezberdinetatik etorritako hogei independentistek, prozesu berri bat abiatu dugu. Bat Gara prozesu berri hori Euskal Herri osoan eramaten ari gara eta nahi duten euskal herritar guziei irekia da.
Bat Gara prozesuaren lehen fasearen helburua, independentistek ondoko galderari erantzutea izan da:
Euskal nazioarentzat nahi dugun Estatu euskaldunak egiazko demokrazia nola gauzatuko luke?
Galdera honi erantzuteko, azaroan zehar Euskal Herriko eskualde ezberdinetan hamar bilkura publiko antolatu ditugu: Iruñean, Larzabalen, Baionan, Gasteizen, Baigorrin, Donostian, Hazparnen, Hendaian, Bilbon eta Atharratzen.
Gogoetan, kontzeptuen definizio adostu hauek erabili ditugu:
Euskal = euskarari dagokiona eta Euskal Herriari dagokiona (Euskaltzaindiaren hiztegia).
Independentzia = bizi den lurraldean, beste kolektibitate baten aginpidearen mende ez dagoen kolektibitatearen egoera, barne eta nazioarteko subiranotasunean gauzatzen dena eta Estatuaren unitate politikoa dagokiona (Elhuyar hiztegia).
Estatu = unitate politiko burujabea den nazioa, nazio zatia edo nazio multzoa (Euskaltzaindiaren hiztegia).
Nazio = bere batasunaren ezagutza eta elkarrekin bizitzeko nahia ezaugarritzat dituen gizataldea (Euskaltzaindiaren hiztegia).
Burujabe = askea, bere buruaren jabe dena, inoren mende ez dagoena (Euskaltzaindiaren hiztegia).
Demokrazia = boterea herriarengan datzala dioen doktrina politikoa (Elhuyar hiztegia).
Bilkuren eztabaidetan zehar, egiazko demokrazia izateko oinarrizko arauak zein diren gogoetatu dugu, hau da, zein arau behar diren boterea egiazki herritarren eskuetan izateko hausnartu dugu.
Lehen fase hau bururatzeko, abenduaren 7an, Durangoko Kurutziaga ikastolan (Galtzareta kalea 13), 12etan, lehen biltzar nazionala eginen dugu. Biltzarraren helburua, “Euskal nazioarentzat nahi dugun Estatu euskaldunak egiazko demokrazia nola gauzatuko luke?” galderaren erantzuna adostea da eta aurrera begira egin nahi ditugun urratsak finkatzea.
Bat Gara prozesuan esku hartu nahi duen oro, lehen biltzar nazional honetara ongi etorria da.
Bat Gara
2024ko abenduaren 2an