Turismoa ez da gaur goizeko kontua, baina mugak begien bistan ipini dira bereziki azken urteotan. Gaia aztertzeko eta gogoeta bultzatzeko liburua argitaratu berri du ARGIAk: Turismoa. Desazkundera bidaia. Donostiako Bizilagunekin plataformako kide da Asier Basurto. Euskal Herriko markoan kokatu du liburua. Ez da irakurgai akademiko bat, ezta datuen azterketa bat ere; oinarrizko azalpen bat da gaira sartu nahi duen ororentzat. Argia aldizkarian publikaturiko elkarrizketa.

Jaldia Abubakraren (Gaza, 1967) historia munduan barrena errefuxiatuta dauden zortzi milioi palestinarrena da. 1948an sionistek Palestina hegoaldeko lurraldeetatik kanporatu zuten familia batean jaio zen. Gazan errefuxiatu ziren, ondoren Egiptora joan eta handik gaur egungo bizilekura: Madrilera. Alkarama erakunde feminista eta antikolonialistaren sortzaileetako bat da, baita Masar Badil (Ibilbide Iraultzaile Alternatiboa) mugimenduarena ere. Ezkerretik eta laizismotik, Palestinako diaspora elkartzeko lanean ari dira mugimendu horiek. Elkarrizketa irakur : https://www.ezkermila.eus/eu/beste-nonbait-irakurria.html

Nola planteatu «jauziak» hizkuntzaren biziberritzean, ahalik eta kontsentsu maila handienarekin eta «antigorputzak» saihestuz? Galdera horren bueltan lanean ari da Euskaltzaindia. Mende laurdeneko prospektibarekin euskararen biziberritze prozesuari bisioa argitzea hartu du helburutzat Euskaltzaindiaren Euskararen Gogoetaguneak. Txostenak egiten hasi dira. Arloz arlo aktibatu dituzte txosten partzialak, eta, bestalde, euskararen biziberritze prozesuaren diagnostikoaren sintesia eta etorkizuneko ikuspegia jasotzen dituena ondu dute. Orain arteko lana partekatzen hasita daude, Jon Sarasua koordinatzaileak (Aretxabaleta, Gipuzkoa, 1966) azaldu duenez, eta haizea alde sumatu dute. 

Julen Aperribaik egindako elkarrizketa, Berria egunkarian argitaratua

ITAIA, Emazte Sozialisten Antolakunde politikoa da. Hastapenean, blog baten bidez hausnarketak mahaingaineratzetik, garatuz joan diren ideia eta gaitasunen bilakaerek antolakunde baten sorrerara ereman dute Euskal Herriko eskualde desberdinetan. Eskualdeetako zapalkuntza zehatzei erantzuteko lokalki errotzen bada ere, nazio mailan antolatua da. Iparraldean ere 2020eko urrian agertu zen antolakunde gisa.

Baionako herri elkartasun brigada duela urtebete sortu zen, 2020ko azaroan, bigarren konfinamenduaren hasieran. Nazioarteko elkartasun sare bat da, Italian hasi eta orain Belgikako, Suitzako eta orain euskal hiri askotan dagoena.