Feed Entries

  • Ezinbestekoa, baina ez nahikoa

    DESCRIPTION
    2023-05-26
    Ekarpenak
    Estrategiak
    Joseba Alvarez

    Euskal Herriak bere askatasun nazional eta sozialerako eginiko borroka luzean bi izan dira eskuratu ditugun ikasgai nagusiak. Lehena, askapenerako sortzen ditugun egiturak tresnak direla, ez helburuak. Eta bigarrena, askapen prozesua benetan korapilatsua izanik, ezin dugula egitura eta bide bakarretik burutu, zer esanik ez, geure buruari jarri diogun helburua euskal errepublika sozialista sortzea bada.

  • Jon Sarasua: «Eskala handiko erreakzio egitura bat planteatu behar dugu, edukiak izango dituena»

    DESCRIPTION
    2023-05-22
    Ekarpenak Elkarrizketak
    Euskara

    Nola planteatu «jauziak» hizkuntzaren biziberritzean, ahalik eta kontsentsu maila handienarekin eta «antigorputzak» saihestuz? Galdera horren bueltan lanean ari da Euskaltzaindia. Mende laurdeneko prospektibarekin euskararen biziberritze prozesuari bisioa argitzea hartu du helburutzat Euskaltzaindiaren Euskararen Gogoetaguneak. Txostenak egiten hasi dira. Arloz arlo aktibatu dituzte txosten partzialak, eta, bestalde, euskararen biziberritze prozesuaren diagnostikoaren sintesia eta etorkizuneko ikuspegia jasotzen dituena ondu dute. Orain arteko lana partekatzen hasita daude, Jon Sarasua koordinatzaileak (Aretxabaleta, Gipuzkoa, 1966) azaldu duenez, eta haizea alde sumatu dute. 

    Julen Aperribaik egindako elkarrizketa, Berria egunkarian argitaratua

  • Eta orain zer ?

    DESCRIPTION
    2023-05-08
    Ekarpenak
    Euskara
    Jakes Bortayrou

    Pasa den apirilaren 22an milaka euskaltzale mobilizatu ziren Baionako karriketan "euskarak bizi behar du" lelopean. Azken inkesta soziolinguistikoa atera ondotik eta Euskararen Erakunde Publikoaren audita egitekotan delarik, hizkuntza politika publikoa bidegurutze batean aurkitzen da.

  • Gabatxolandiatik

    DESCRIPTION
    2023-05-08
    Ekarpenak
    Mugimendu sozialak
    Hartzea Lopez Arana

    Duela hogeita hamar urte, Euskal Herriko karriketan mobilizazioak azkarrean zirela, izengoiti gutxiesgarria jartzen genien frantsesei: gabatxoak. Frantzia euskal militanteen etsaia zen eta, gure ustez, euskaldunak herri zahar, bizi eta borrokalaria izanik, estatu inperialista horren biztanleak jende erreakzionario eta lokartuak ziren.

  • Hizkuntza-lurraldetasunari buruzko proposamena

    DESCRIPTION
    2023-04-28
    Ekarpenak
    Euskara
    Naziogintza taldea

    Europako hainbat estatutan hizkuntza-lurraldetasunaren printzipioa aspalditik dago indarrean. Estatu horietan bi egoera bereizten dira: eremu elebakarrarena, non lurraldeak hizkuntza ofizial bakarra ezarria duen eta eremu elebidunarena, norbanakoen eskubideak bermatzen dituena.

    Artikulu hau lehenik zuzen.eus webgunean argitaratua izan da.

  • Iraultza sozialistari buruzko zenbait burutazio (I)

    DESCRIPTION
    2023-04-03
    Ekarpenak
    Teoriak
    Joxe Iriarte «Bikila»

    Kontuan izanik kapitalismoa kapitalozenoa [antropozenoa deitua ere[1]] bihurtu dela, gizateriarentzat suposatzen duen arriskuarekin (zeinak miseria eta hondamendia gehienentzat sortzeaz gain lurra eta gizakiaren arteko metabolismo oreka galtzen ari den), gure burua iraultzailetzat dugunok ez dugu lan makala konprenitzeko zergatik gizarteak ez duen ikusten egoerari buelta emateko beharrik; edo, beste modura esanda, horren soluziobidea izan daiteken iraultza eko-sozialista gauzatzeko konbentzimendurik.

  • Eraikuntza Nazionalari buruzko gogoeta partekatua

    DESCRIPTION
    2023-04-03
    Ekarpenak
    Estrategiak

    Naziogintza Taldeak antolatuta, jarduera eta arlo intelektual ezberdinetako lagunek gure egoera nazionalari buruzko gogoeta partekatua burutu genuen urtarrileko bi egunetan, Azpeitian eta Urruñan. Hamabost orduetan iritzi ugari trukatzeko aukera izan genuen, bat-etortze maila handiarekin, gure egoera linguistikoaz, politikoaz eta soziologikoaz. Bildutakoek gure nazioa une kritiko batean dagoela eta aurrera egiteko dinamika berriak behar dituela iritzi genuen, ziklo bat itxi zaigulako eta berriaren aurrean noraezean gabiltzalako.

  • Euskal Herri maitea

    DESCRIPTION
    2023-02-18
    Ekarpenak
    Teoriak
    Karmelo Landa Mendibe

    Euskal nazioak gure nortasunaren muina ukitzen du. Gure herriaren, Euskal Herriaren izana, existentzia bera interpelatu egiten du, gure izaera indibidual eta kolektiboa baldintzatuz. Julen Zabalo irakasleak artikulu luzea eman du argitara oraintsu, “Naziogintza berriaz” titulupean. Artikuluan dioena, nire ustez, ez da zuzena, ez da justua, ez da bidezkoa. Gure herriaren nazio antolaketa premiari kalte handia egiten dio.

    Gai horri buruz beste bi artikulu :